— Тулысын ИЛ-76 самолётн лэбигöн тыдалiс вöр-валöн став мичлуныс. Кöть и веськöдлi парашютöн, менö кыскöмöн-кыскис мича дзоридзаинö. «Пышйи» лежнöгаинысь да небыдика пукси вит метра джуджда кыдз вылö, — казьтылiс служитöмсö юрсиктысь Алексей Сергеевич Нестеренко. 
Школа бöрын райвоенкомат пыр велöдчис водительö. Армияö босьтiсны 1994 воын. Збыльмис ыджыд кöсйöмыс веськавны сынöда десантлöн войскаö. Служитiс Псковса 76-öд дивизияын. Коми республикаысь вöлi 80 зон. Воöн колiс парашютöн чеччыштны 6-ысь, а сiйö кык воöн чеччыштiс 24-ысь. Бура служитöмысь Алексей Сергеевичöс пасйылiсны аттьöалан гижöдъясöн. Писö бура быдтöмысь аттьöалöмъяс волiсны и мамыслы, Валентина Петровналы. 
Гижöд да снимок Марина ДАДАШОВАЛÖН.