[ A+ ] /[ A- ]

Василий ЛОДЫГИН
МУСА ДЗОРИДЗ
Вай збыльсö öтчыдысь кöть шуам,
Мый айлов чукöр кынöсь ми.
Мед гöтыръяслы дзоридз нуим?
Ме налысь окалiм ми ки?

Мед öтчыдысь кöть коркö пусим
Ли кöлуй песлалiм лун джын?
Ми олöм кутысьясöн шусям,
А налöн унджык мунö вын.

Но, сiдзи кö нин быттьö шуны,
Дзик ог жö янöдöй ми юр.
Кор колö би пыр, ва пыр мунам,
Мед сöмын аньлы вöлi бур.

Мый вунöдчылам — тайö лолö,
Но абу вежöртöмöсь ми.
И водзö сьöлöманым олас
Шöвк тугöс мелiалан би.

Он веж сё нэма олан русö,
Код миян парма вылын шань.
Век лоас медся-медся муса
Дзик öти дзоридз — мича ань

Комментарии:

Добавить комментарий

Свежий выпуск: за 26 марта