Кулöмдiн районса пыдди пуктана олысьяс! 
Чолöмала тiянöс районлöн котыртчöмсянь 90 во тырöмöн! 
Кулöмдiн район — Коми мулöн шензьöдана пельöс, кодi козьналiс республикалы эз этша енбиа поэтöс, гижысьöс да композиторöс. Районса олысьяс ыджыда пуктöны пыдди водзын олысьяс йылысь казьтылöмъяс, зэв тöждысьöмпырысь видзöны культуралысь озырлун. Оз öд прöста Кулöмдiнса му вылын чужöм öнiя кадся коми сьыланкывъяслöн «Василей» гаж нимав став республика пасьтала да ло районлöн да республикалöн тöдчана торъялан пасöн. 
Аттьö Кулöмдiн районса став олысьлы öтувъя оланiнöс — Коми республиканымöс — сöвмöдöмö ыджыд пай пуктöмысь. Аттьöала ставнытö, кодъяслы абу веськодь район да кодъяс водзмöстчöны сiйöс сöвмöдöмын, кодi быд лун зiльö вежны странаын да республикаын олöмсö бурланьö. 
Сиа тiянлы ён дзоньвидзалун, шуд, мойвиöм, быд бурсö, помасьлытöм вын да судзсяна олöм быд керкаын, а Кулöмдiн районлы — сöвмöм да дзоридзалöм! 
Коми республикаса юралысь С.А.Гапликов.