[ A+ ] /[ A- ]

Александр Иванович Попов культура юкöнын 2011-öд вося ноябрсянь. Сiйö лёк суöмысь видзчысьöм кузя медшöр инженер. Сылöн видзöдлас улын, районса культура керкаысь кындзи, 34 культура керка да клуб, сэнi бергöдчысьяслöн тыр-бура уджалöм. Велöдö удж вылö сöмын на пырысьясöс. Урчитöм кадö волö быд котырö, индö, кодi мыйысь кывкутö неминучаяс дырйи, донъялö, сяммöны-ö уджалысьяс вöчны урчитöмтор, кужасны-ö шöйöвоштöг петкöдны йöзöс öзйылöмъяс дырйи. Медся пöсь кад — выль вося гажъяс кежлö дасьтысьöм, кор коз дорö чукöрмылö уна челядь. Видзöдö, мед вöлiны кусöдчанторъяс, вöлi восьса петан став öдзöс. Тадзи жö гöгöрбок видзöдалö мукöд гажъяс кежлö дасьтысигöн. Александр Иванович видзöдö, мед тöвнас колана ногöн весалiсны культура керкаяс да клубъяс дорысь пыранiнъяс, тулысын вевтъяс вылысь лым усигöн керкаяс гöгöр вöлiны öлöдан пасъяс.
-Воысь-воö корöмъяс чорзьöны. Уна культура керкалысь нин паськöдiм öдзöсъяс, вöчим мукöд урчитöмтор. Но найö важöсь да быдлаын он вермы вöчны ставсö тшöктöм серти. Корöмъяслы лöсялöны Немдiнса выль культура керка да Донса социально-культурнöй шöрин. Унатор вöчисны, мед кутчысьны урчитöмторъясö, Югыдъягын да Помöсдiнын. Но медся бур, кыпöдiсны кö выльясöс, мед повтöг уджалiсны да гажöдчисны сиктсаяс да посёлоксаяс, — кывкöртiс Александр Иванович, кодi помалiс Сыктывкарса индустриальнöй колледж. Öнi уджысь орöдчытöг водзö велöдчö Вяткаса государственнöй университетын.
Гижöд да снимок
Марина Дадашовалöн.

Комментарии:

Добавить комментарий

Свежий выпуск: 28 марта

Осторожно — мошенники!