2018-öд вося декабрын Сыктывкарын мунöм «Райда» конкурсын вермис Лариса Мартюшева. Сылы 17 арöс, чужис-быдмис Великополье грездын. 9 класс помалöм бöрын пырис Сыктывкарса педколледжö, велöдчö мöдöд во нин, лоас ичöт челядьöс велöдысьöн. Колледжлöн национально-культурнöй шöринын водзмöстчысь, Кулöмдiнса асмувывсаяслöн котырöн юрнуöдысьöс вежысь. «Райдаын» петкöдчис медводдзаысь, чуйдiс колледжса велöдысь О.Н.Данилович. Вöлiны куимöнöсь: Лариса, Удора районысь Валерия Мартюшева да Изьваысь Мария Попова. Колiс висьтавны ас йылысь, ветлöдлыны карнанöн, вочавидзны юалöмъяс вылö да петкöдлыны аслыспöлöстор. Медся сьöкыд вöлi венны полöм. Дасьтысигöн лыддис книгаяс, тöдмалiс унатор комияслöн важ оласног йылысь. Отсалiс дзолядырйиыс пöчыслöн да пöрысь пöчыслöн велöдöмыс.

• Медся ёна, тöдöмысь, отсалiс сiйö, мый эски аслам вынъясö. Ёна отсасисны колледжса национально-культурнöй шöринысь ёртъяс. Матыссаяслы менам вермöмысь нимкодь, шуöны молодечöн. Кор висьталiсны, мый верми, весиг ог куж шуны, мый вöлi сьöлöм вылын, — висьталiс Лариса.
  2019-öд вося декабрын Лариса петкöдчас «Райдалöн» республикаса тшупöдын.
  Галина КЛЮЖЕВА.
  Снимок интернетысь.