[ A+ ] /[ A- ]

— Кос да жар лунъясö, вотчан кадö лесничöйяс Николай Михайлович Лютоевлöн да Алексей Иванович Размысловлöн уджыс пансьö керöс йылö кайöмсянь, кысянь бура тыдалö помтöм-дортöм вöр. Казяласны кö кöнкö тшынасьöм, пыр жö юöртам Кулöмдiнса лесничествоö, сынöдсянь вöр видзан шöринö. Кольöм воын тадзи аддзисны Дон дорысь тшын, да ас кадö юöртöмöн эг лэдзöй паськавны да ыджыдавны билы. Кос гожöмъ-ясын шöринлöн самолёт лэбалö вежоннас кыкысь-куимысь. Ми асьным уджалам йöзкöд, мед вöрын кутчысясны кывкутöмöн, — сёрнитiс Кулöмдiнса лесничестволöн Керчомъяса юкöнöн веськöдлысьöс вежысь, вöр бöрся видзöдöм да видзöм кузя государственнöй инспектор Валентина Калистратовна Попова, кодöс 15 во сайын кылöдчанiн киссьöм бöрын лесничöйлы отсасьысьöн ас дорас корис юкöнöн веськöдлысь Анатолий Андреевич Самарин. Ань кыкысь ветлiс ве-лöдчыны Москваö, сэсся Сыктывкарса вöр институтö. 
Котыр видзöдö, мед сöстöмöн колисны вöр пöрöданiнъяс, дасьтö найöс выль пуяс пук-тiгкежлö. Шыöдчысьяслы сетö вöр кыпöдны либö дзоньтавны керка, пывсян да мукöдтор, торйöдö и пес вылö. 
Валентина Калистратовна уджалö и школаса лесничествокöд, кодöн веськöдлö Ольга Валериевна Булышева. Вöр-ва йылысь кывбуръяс, мойдъяс, кроссвордъяс ыстöны вöр быдтысь-дöзьöритысь котырö да кольöм воын челядьлöн уджъяс петiсны лэдзöм книгаын. Таво велöдчысьяскöд петалiсны нин вöрö, потшисны кодзувкоткаръяс. Уджалö и садса челядькöд. 
В.К.Поповалысь уна вося бур уджсö донъялiсны «Республика сöвмöдöмö ыджыд пай пуктöмысь» да «Уджвывса ветеран» пасъясöн, почёт грамотаясöн. 
Гижöд да снимок 
Марина ДАДАШОВАЛÖН.


Комментарии:

Добавить комментарий

Свежий выпуск: за 13 июня