Районса администрацияысь финансъяс управление, кодöн 2012-öд восянь веськöдлö Любовь Михайловна Чаланова, районса бюджетö сьöм содтöмысь кык во дорвыв шедöдiс республикаса правительстволысь грант. Донъялiсны воддза да кольöм воясся удж.
— Районса бюджетö воöм сьöмöн асьным бер—гöдчыны ог вермöй да отсалö республика. Удждон вештам ас кадö ставнас, — висьталiс Л.М.Чаланова.
Управлениелöн нёль юкöнын 20 специалист. Овмöдчöминъясса бухгалтерияяс водзвыв висьталöны, уна-ö сьöм налы воас муысь да му кöртымалöмысь, эмбурысь да сiйöс видзöмысь, удждонысь да мукöдторйысь вештöм вотысь. Та бöрын управлениеысь бюджет кузя юкöн арталö, мында сьöм воас районлы да сы серти лöсьöдö локтан куим во кежлö бюджет. Казначейство юкöн видзöдö, уна-ö сьöм воö районса да овмöдчöминъясса 20 администрацияö да кытчö сiйö мунö. Районса да овмöдчöминъясса администрацияяслöн бюджетъясысь кывкутысь—яс, став котыр сьöм видзöм кузя отчитайтчöны бухгалтериялöн юкöнö. Сьöм видзöм кузя дöзьöритысь юкöн видзöдö бюджетса котыръяслöн бухгалтерияяслысь уджсö.
Октябрын управление кутас лöсьöдны локтан куим во вылö бюджет. Сылöн балаöн тöдмöдас общественнöй кывзöмъяс дырйи. Сэнi вöзйöмъяс тöд вылö босьтöмöн, вынсьöдасны депутатъяслöн чукöртчылiгöн. Во чöжöн кö воö содтöд сьöм, депу—татъяскöд жö видзöдöны, кытчö сiйöс веськöдны.
Любовь Михайловна сьöмöн олöм—бергöдчöм йылысь тшöкыда висьталö районса администрацияын чукöртчылiгöн. Котырын ставныс уджа—лöны кадöн артасьтöг, волывлöны и отпускалiгöн. Удж зэв кывкутана. Колö тöдны и законъяс, законъясын вежсьöмъяс да кутчысьны наö сьöмöн уджалiгöн. Коми республикаса финансъяс министерство пасйис Любовь Михайловнаöс государстволöн сьöмöн веськöдлöмö ыдж—ыд пай пуктöмысь почёт грамотаöн.
Комментарии: