«Пожöг» кооперативын медся олöма айловыс, медся ыджыд сямаыс да зарни киясаыс Николай Дмитриевич Уляшев.

[ A+ ] /[ A- ]

 Öнi сiйö кывкутö ва качайтöмысь, кодi воö кукань видзан кык скöт картаö да Кекурса йöзлöн керкаясö. 
Видз-му овмöсын уджалö 35 во нин. Пыравлiс электрикöн Пожöгса совхозлöн Кекурса юкöнö, кöнi сiйö кадын вöлiны мöсъяслöн да куканьяслöн кык скöт картаöн, вöв видзанiн, вöлi уджалысьяслы профилакторий. Уджысь öтдор, вöчавлiс пуысь вöв додьяс и совхозлы, и ас овмöсъяслы. Сэсся ыстывлiсны Выльгортö велöдчыны механикö, да 13 во кывкутiс техника вöсна. Техника жугласис, колiс пыр дöмлыны-дзоньтавны, мед ас кадö гöрны-кöдзны, тырмымöн заптыны кöрым. Кöсйис нин петны шойччыны, да эз на лэдзны. Кыткö кö жугалö, корöны лун кöть вой. Николай Дмитриевичöс видз-му овмöсын уджалысьясöс чукöртлiгöн дыр да бура уджалöмысь почёт грамотаöн пасйисны видз-му овмöс министерствосянь. 
Гижöд да снимок Марина ДАДАШОВАЛÖН.


Комментарии:

Добавить комментарий

Свежий выпуск: за 23 ноября