[ A+ ] /[ A- ]

Александр Иванович Холопов туй вöчан да дзоньталан Кулöмдiнса юкöнын 2000 восянь. Сыöдз уджавлiс сэнi жö, сöмын туй вöчигъясöн босьтлiсны кад кежлö. Туй дзоньталiгöн сiйö тыртö битумöн весалöм гуранъяс. 
— Асфальт вöчанiнын пöсь битум кисьтöны бöчкаö. Тöрö öти тонна. Ме видзöда, мед сiйö вöлi пыр пöсь да эз кöдзав уджалiгöн. Бöчка бердас эм ломтас видзанiн, кытчö кисьта солярка. Ломта, кута колана шоныд. Туй дзоньталiгöн ведраöн и киськала гуранъясö. Ме бöрын нин вольсалöны-вевттьöны асфальтöн. Зэригъясöн удж сувтö, а мича лунъясö зiлям водз асывсянь сёр рытöдз. Туй дзоньтавны котыркöд ветлiм Ухта сайö, Сыктывкарö, пыр лöсьöдам Кулöмдiнын, тупкам Сыктывкар-Мылдiн туй вылысь потöминъяс, — сёрнитiс А.И.Холопов. 
Тöлын айлов весалö автобус виччысянiнъяс дорысь, туйвывса пасъяс гöгöр лым. 
Гижöд да снимок Марина ДАДАШОВАЛÖН.
 
 
Будьте первым, кто оставит 

Комментарии:

Добавить комментарий

Свежий выпуск: за 23 ноября