Анна Ивановна Васькина чужис Украинаын. Война дырйи 14 арöса нылöс немечьяс нуисны уджавны Германияö. 1945 воын миян салдатъяс сiйöс мездiсны, но Германияысь эз петкöдны. Нёль во уджалiс воинскöй часьтын, кöнi и тöдмасис верöспуыскöд — Павел 

Гаврилович Васькинкöд. 1949 воын локтiсны сылöн чужанiнö — Саратов обласьтö. Кыкнанныс уджалiсны колхозын. Анна Ивановна бур сьöлöмöн быдтiс верöсыслысь писö, нöшта чужтiс нёль челядьöс. А йöрын вöдитiс градвыв пуктасъяс, кысис кöза гöнысь. 1991 воын локтiс Кулöмдiнö Наталья нылыслöн семьяö, отсалiс быдтысьны, бергöдны овмöс.
Январ 28 лунö Анна Ивановна пасйис 90 арöс. Сiйöс нимöдiс да сетiс Россияса президент В.В.Путинсянь чолöмалан гижöд районса администрацияöн веськöдлысь С.В.Рубан, ыдждöдлiсны райадминистрацияöн веськöдлысьöс вежысь Н.А.Левченко, олöмаяслöн районса котырöн юрнуöдысь Г.А.Кравченко да мукöдъяс.
Марина ДАДАШОВА.
Снимок Наталья Тимошиналöн.