Россия Федерациялöн Конституция лунö районысь 14 арöса 23 нывлы да зонлы, нимöн да вичöн ыдждöдлöмöн, пытшкöсса делöяс министерстволöн миграция юкöнын сетiсны паспортъяс. Юкöнса начальник Елена Дмитриевна Зубко да инспектор Наталья Владимировна Кулалаева тöдмöдiсны паспортлöн артмöмöн, öнiя паспортöн, быд лист бокын пасйöдъясöн, мыйсюрö юалiсны том йöзлысь.

-Медводдза паспорт сетам 14 арöсöн. Вежам 20, 45 арöс тырöм бöрын. Выльöс босьтöны верöс сайö петысь нывъяс, либö ним, вич да ов вежысь йöз. Тайö документсö видзöй бура. Воштiгöн пыр жö шыöдчöй полицияö, — сёрнитiс Е.Д.Зубко.

Томуловöс да налысь бать-мамöс чолöмалiс да бурсиис Россияысь пытшкöсса делöяс министерстволöн Кулöмдiн районын полицияса начальник Алексей Борисович Коротков.

Марина Дадашова.

Гижысьлöн снимок вылын: (шуйгавывсянь веськыдвылö) А.Б.Коротков да Е.Д.Зубко Вероника Кузнецовалы паспорт сетiгöн.