[ A+ ] /[ A- ]

dsc03393

 

«Ростелеком» Коми филиаллöн Кулöмдiнса юкöнысь юрнуöдысь инженер Александр Владимирович вöлi районлöн быд пельöсын. Уджалысьяскöд кытчöкö воöдчылiс машинаöн, кытчöкö пыжöн, лэбавлiс вертолётöн. Водзтi тöвнас сувтлiсны лыжи вылö, öнi тöвзьöны техника вылын.

Кулöмдiнса аэропортын радиооператорöн уджавлöм бöрын 1993 воын локтiс связьö. Öттшöтш велöдчис связьлöн Архангельскса техникумын, бöрынджык телекоммуникациялöн А.Бонч-Бруевич нима Санкт-Петербургса госуниверситетын. Туйдысьöн да велöдысьöн вöлi сэки узелса начальник Владимир Георгиевич Кобзов. Сяммысь электромонтёрöс индiсны участокса начальникöн. Кывкутiс телефона йитöд вöсна Дереваннöйсянь Аныбöдз, Керчомъясянь Вочöдз, сы вылын вöлiны Джеджим да Шöръяг. 1998 воын пуктiсны Кулöмдiнса участокö начальникöн, нёль во мысти медшöр инженерöн.

-Связь пыр сöвмö. 2007 воын лоис оптикволокноа йитöд Кулöмдiнсянь Сыктывкарöдз, юрсиктсянь Ухтаöдз, Озъягöдз. Ыджыд öда интернетöн вöдитчöны челядь и верстьö. Лоис интернет-телевидение, — сёрнитiс Александр Владимирович, кодлысь бур уджсö унаысь донъявлiсны почёт грамотаöн, тшöтш и «Ростелекомлöн» Рытыв-Войвыв кытшсянь.

Гижöд да снимок Марина ДАДАШОВАЛÖН.


Комментарии:

Добавить комментарий

Свежий выпуск: за 23 ноября