[ A+ ] /[ A- ]

dscn9489Октябр 25 лунö Пожöма ягын мунiс «Армияын служитны — тайö пыдди пуктантор» ордйысьöм, кытчö волiсны Помöсдiнысь, Кулöмдiнысь, Вöльдiнысь, Дiасёръяысь, Кужйысь 13 том зон, ставныс — армия мунысьяс.
Кыпыд кывъясöн ышöдiсны мунны служитны, бура петкöдлыны районнымöс Кулöмдiн районса адмигнистрацияöн веськöдлысь С.В.Рубан, республикаса военкоматлöн районса юкöнö веськöдлысь О.В.Ватанский, олöмаяслöн районса котырöн веськöдлысь Г.А.Кравченко, Помöсдiнысь челядьлысь енби сöвмöдан «Патриот» керкаса директор А.А.Глуханич. Том зонъясöс чолöмалiсны и Кулöмдiнса школаысь 6-öд классын велöдчысь кадетъяс, мичаа сьылiсны да маршируйтiсны аскиа салдатъяс водзын.
Призывникъяс вуджисны спортивнöй орждйысьöмъяс, петкöдлiсны творческöй сямлун, вочавидзисны викториналöн юалöмъяс вылö. Вермысьöн лоис Помöсдiнысь Павел Карманов, мöдöн — Кулöмдiнысь Яков Карманов, коймöдöн — Помöсдiнысь жö Александр Уляшев. П.Карманов да А.Уляшев ветлöдлöны ёнмöдчны «Патриот» котырö. Вермысьяслы вичмисны дипломъяс да сертификатъяс, мукöдыслы — аттьöалан гижöдъяс.
Галина КЛЮЖЕВА.
Гижысьлöн снимок вылын: (шуйгавывсянь) А.Уляшев, П.Карманов, Я.Карманов.


Комментарии:

Добавить комментарий

Свежий выпуск: за 23 ноября